Ümid edirik ki, yaxın zamanlarda Pakistan manqosu Azərbaycan bazarında əlçatan olacaq.

Valyuta.az-ın Trend.az-a istinadən verdiyi məlumata görə, bunu Pakistanın Azərbaycandakı səfiri Bilal Hayee Bakıda keçirilən Pakistan Manqo Festivalında deyib.

Səfir bildirib ki, manqo Pakistan mədəniyyətinin, folklorunun bir parçasına çevrilib: “Ölkəmiz manqo ixrac edən ölkələr arasında liderdir”.

O bildirib ki, Cənubi Asiya manqoları ölkənin Cənubi Pəncab regionunda yetişir:

"Pakistanda manqoların 100-dən çox növü yetişir və bu gün festivalda bir neçə növ təqdim olunur və ümid edirik ki, gələcəkdə pakistanlı iş adamları geniş çeşidi Azərbaycan bazarına gətirəcək”.