Şəkinin Şorsu kənd sakinləri qonşu Cumakənd sakinlərinin əlindən bostan əkə bilmirlər. Cumakənd sakinləri yüzə qədər mal-qaranı açıb Şorsuluların əkin sahələrinə buraxırlar. 

Valyuta.az xəbər verir ki, XəzərXəbər məsələnin təfərrüatlarını araşdırıb

Mal-qara tapdağı altında olan bostanlar, tütün, tərəvəz sahələri. 

Görüntülər Şəki Rayonunun Şorsu kəndindəndir.

Kənd sakinlərinin min bir zəhmətlə əkdikləri bostan, tərəvəz və tütün sahələrinə qonşu Cumakənd sakinləri mal-qaralarını buraxırlar. Zəhmətləri mal-qara tapdağı altında batan insanlar nə edəcəklərini bilmirlər. 

Başlı-başına buraxılan heyvanlar qarşısında əlacsız qalan sakinlər məsələnin həll olunmasını istəyirlər.

Faktla əlaqədar Şorsu kənd icra nümayəndəsi Oruc Mahmudovun sözlərinə görə, dəfələrlə insanlara xəbərdarlıq etsələrdə vəziyyət dəyişməyib: 

“Zəhmətlə yertişdirilən məhsulu mal-qara buraxıb xarab edənlər layıqli cəzasını almalıdır”.

Cumakənd icra nümayəndəsi Mustafa Əliyev isə bildirdi ki, heyvanların sərbəst buraxılmasına qarşı ilk gündən mübarizə aparırlar: 

“Mal saxlayanlar mal növbəsinə getmir. Bunun nəticəsində də təkcə Şorsu deyil, öz təsərrüfatlarımıza da ziyan dəyir. Faktla bağlı polisə də müracət etmişik”.

Daxili İşlər Nazirliyinin Mətbuat Xidmətinin Şəki regional qrupundan Mahir Məsimov bildirdi ki, faktla əlaqədar araşdırma aparilacaq.