Bu ilin yanvar-may aylarında Türkiyə Azərbaycandan 4 355,89 mln. kubmetr qaz idxal edib ki, bu da ötən ilin müvafiq göstəricisi ilə müqayisədə 3,8% azdır.

Valyuta.az-ın "APA-Economics"ə istinadən verdiyi məlumata görə, bu barədə Türkiyənin Enerji Bazarı Tənzimləmə İdarəsi  məlumat yayıb. 

Məlumata görə, Türkiyə 2020-ci ilin yanvar-may aylarında Azərbaycandan 4 527,39 mln. kubmetr qaz idxal edib.

Cari ilin may ayında Türkiyə Azərbaycandan 426,72 mln. kubmetr qaz idxal edib, bu da illik müqayisədə 51,6% azdır. May ayında Azərbaycan Türkiyənin ümumi qaz idxalında Rusiya və İrandan sonra üçüncü yerdə qərarlaşıb.

Qeyd edək ki, ötən il Türkiyə Azərbaycandan 11 547,38 mln. kubmetr qaz idxal edib, bu, 2019-cu illə müqayisədə 20,5% çoxdur.