Bu ilin 31 may tarixinə fəaliyyətdə olan bankların cəmi aktivləri 33 milyard 810.7 milyon manat təşkil edib. 

Valyuta.az-ın Azərbaycan Mərkəzi Bankının yaydığı hesablamalara əsasən verdiyi xəbərə görə, bu göstərici, ötən il iyunun 1-i ilə müqayisədə 8,2% çoxdur.

bankların cəmi öhdəlikləri 29 milyard 058.2 milyon manat, balans kapitalı isə 4 milyard 752.5 milyon manat olub. 

Bu ilin yanvar-may aylarında banklar 273.2 milyon manat xalis mənfəət, 411.2 milyon manat əməliyyat mənfəəti əldə ediblər. 

Mayda bank sektorunun cəmi aktivləri 3.1% və ya 1 milyard 014 milyon manat artıb. Cəmi aktivlərin 43.5%-i kredit portfelindən ibarətdir. Bankların kredit portfeli mayda 0.5% (79.6 milyon manat) artaraq 14 milyard 691.4 milyon manat təşkil edib. 

Sektorun cəmi öhdəlikləri mayda 3.5% və ya 992.7 milyon manat artıb. Cəmi öhdəliklərin 76%-i depozit portfelindən (maliyyə institutlarının depozitləri çıxılmaqla) ibarətdir.