Azərbaycan xarici investisiya qoyuluşuna görə ikincidir

Dünya

22.06.2021 / 13:24

Azərbaycan xarici investisiya qoyuluşuna görə ikincidir - RENKİNQ

14344

Ötən il Azərbaycandan xaricə yönəlmiş birbaşa investisiyaların həcmi 825,3 mln. ABŞ dolları təşkil edib ki, bu göstəriciyə görə, ölkə keçid iqtisadiyyatları olan ölkələr arasında dünyada və MDB məkanında ikincidir.

Valyuta.az "APA-Economics"ə istinadən xəbər verir ki, bu barədə BMT-nin Ticarət və İnkişaf üzrə Konfransının (UNCTAD) "World Investment Report 2021" hesabatında deyilir.

Qeyd edilir ki, COVID-19 pandemiyası səbəbindən bu göstərici 2019-cu illə müqayisədə 66% azalıb.

Keçid iqtisadiyyatları və müvafiq olaraq MDB ölkələri arasında bu göstəriciyə görə lider Rusiyadır. Ölkə 2020-ci ildə xaricə 6,311 mlrd. dollar həcmində birbaşa investisiya yönəldib. Bu göstəriciyə görə, sonuncu yerdə Qazaxıstan. Ölkənin xarici birbaşa investisiyalarının həcmi mənfidir (xaricə yönəlmiş birbaşa investisiyaların həcmi ölkənin xaricdən geri çəkdiyi investisiyaların həcmindən az olub).

Qeyd edək ki, UNCTAD keçid iqtisadiyyatı ölkələrinə MDB ölkələrini, həmçinin Ukrayna, Gürcüstan, Albaniya, Bosniya və Herseqovina , Monteneqro, Serbiya və Şimali Makedoniyanı aid edir.

Keçid iqtisadiyyatları olan ölkələrin birbaşa xarici investisiyalarının həcminə görə renkinqi:

#	Keçid iqtisadiyyatları	Həcm, mln $	İllik dinamika, %
1	Rusiya	6 311	-71,3
2	Azərbaycan	825	-66,1
3	Serbiya	125	-57,5
4	Albaniya	89	-30,5
5	Belarus	82	412,5
6	Ukrayna	82	-87,3
7	Tacikistan	70	204,3
8	Şimali Makedoniya	39	-2,5
9	Gürcüstan	23	-91,8
10	Qırğızıstan	2	-60,0
11	Özbəkistan	2	-33,3
12	Bosniya və Herseqovina	-5	-266,7
13	Monteneqro	-5	-106,7
14	Moldova	-12	-128,6
15	Ermənistan	-27	-81,1
16	Qazaxıstan	-2 028	-22,7