İyunun 9-da Rusiya rublunun Azərbaycan manatına qarşı rəsmi məzənnəsi 1,3% artaraq 0,0236 manat təşkil edib ki, bu da ötən ilin iyul ayından bəri qeydə alınan ən yüksək göstəricidir.

Valyuta.az-ın "APA-Economics"ə istinadən verdiyi xəbərə görə, rublun sonuncu dəfə bundan yüksək dəyəri ötən ilin iyulun 27-də qeydə alınmışdı – 0,0237 manat.

Qeyd edək ki, aprel ayından bəri rublun manata qarşı artan tendensiyası müşahidə olunur və sözügedən valyuta manata qarşı aprel ayından bəri 6% ətrafında dəyər qazanıb.