Apreldə dəmir yolu nəqliyyatı ilə ümumilikdə 639 min 698 ton yük daşınıb ki, bu yüklərin dəyəri 255,1 milyon ABŞ dolları olub.

Dövlət Gömrük Komitəsindən Valyuta.az-a verilən məlumata görə, keçən ay dəmir yolu nəqliyyatı ilə ixrac olunan 252 min 962 ton yükün dəyəri 86,2 milyon dollar təşkil edib.

Eyni dövrdə bu nəqliyyat növü ilə idxal edilən yüklərin həcmi 386 min 735 ton, dəyəri isə 168,9 milyon dollar olub.