2021-ci ilin yanvar-aprel aylarında dövlət büdcəsinə vergi daxilolmaları üzrə proqnozların icrası 131,7% təşkil edir. 

Valyuta.az xəbər verir ki, bu barədə İqtisadiyyat naziri Mikayıl Cabbarov bildirib.

Onun sözlərinə görə, büdcəyə nəzərdə tutulandan 780,7 milyon manat artıq vəsait daxil olub: 

“Bunun da 451,0 milyon manatı qeyri neft-qaz sektorunun payına düşür. Vergi daxilolmaları əvvəlki ilin eyni dövrü ilə müqayisədə 266,9 milyon manat artıqdır”. 

Nazir sonda iqtisadi islahatların və  özəl sektorun inkişafının öz bəhrələrini verdiyini bildirib.