2020-ci il dekabrın 31-nə Azərbaycanda sığorta bazarının aktivləri 1 milyard 362 milyon 207,6 min manat təşkil edib ki, bu da 2019-cu ilin sonuna olan göstəricidən 3,4% azdır. 

Valyuta.az-ın “İnterfaks-Azərbaycan” agentliyinə verdiyi məlumata görə, bu bərədə maliyyə bazarındakı mənbə məlumat verib.

Bank hesablarında 444 milyon 504,9 min manat və ya aktivlərin 32,6%-i uzunmüddətli maliyyə aktivlərində (azalma 3,3%), 383 milyon 295,6 min manat (azalma 5,5%), debitor borclarında 158 milyon 385,1 min manat (artım 11,9%), qalan məbləğ isə digər aktivlərdə toplanıb.

2021-ci ilin əvvəlinə sığorta sektorunun məcmu nizamnamə kapitalı 406 milyon 936,3 min manat (azalma 3,6%) təşkil edib.

1 yanvar 2021-ci il tarixinə sektorun sığorta ehtiyatları 660 milyon 68,7 min manat (azalma 10,5%), ümumi bölüşdürülməmiş mənfəəti 114 milyon 448,7 min manat (azalma 21,3%) təşkil edib.

2021-ci il yanvarın 1-nə sığorta sektorunda 34 hüquqi şəxs qeydiyyata alınıb, onların 33-ü özəl hüquqi şəxs (8 şirkət xarici kapitala malikdir - İF), 21-i sığorta şirkəti, 1-i təkrar sığorta şirkəti, 12-si isə broker şirkətidir.

2021-ci il yanvarın 1-nə Azərbaycanın sığorta sektorunda orta əmək haqqı 1 549 manat təşkil edib, bu isə 2019-cu ilin sonuna olan göstəricidən 8,4% çoxdur.