"ƏDV üzrə ödənişlərin geri qaytarılması mexanizmi təkmilləşdirilməlidir. İstehlakçıların kassa əməliyyatlarına nəzarəti gücləndirmək üçün geri ödənilən faizlər artırılmalıdır”. 

Valyuta.az Sfera.az-a istinadən xəbər verir ki, bunu iqtisadçı-ekspert Rəşad Həsənov deyib. 

R.Həsənovun fikrincə, yaxşı olar ki, nağd dövriyyə üçün geriödəmə faizi 25-ə, nağdsız ödəmə üçün 35 faizə çatdırılsın. 

Onun sözlərinə görə bu halda insanlar prosesdə daha aktiv iştirak edəcək, rəsmiləşdirilən dövriyyənin həcmi artacaq: 

"Geriödənişin faizinin artırılması insanların gəlirini artırmaqla bərabər, hökumətə iqtisadi dövriyyə nəzarəti gücləndirmək imkanı verəcək, iqtisadiyyatda leqallaşma vəziyyəti daha da yaxşılaşacaq”.

Qeyd edək ki, hazırda nağd ödənişlər üzrə ƏDV-nin 10 faizi, qeyri-nağd ödənişlər üzrə 15 faizi qədərində məbləğ geri qaytarılır.