Hazırda davam edən güclü küləkli hava şəraiti ilə əlaqədar Bakı Nəqliyyat Agentliyi sərnişinlərə müraciət edib.

Valyuta.az xəbər verir ki, müraciətdə, hava şəraiti ilə əlaqədar olaraq, hərəkət iştirakçılarını diqqətli və ehtiyatlı olması diqqətə çatdırılır.

Müraciətdə, sərnişinlərdən dayanacaq pavilyonlarında avtobus gözləyərkən diqqətli olmaları xahiş olunur. Həmçinin Nəqliyyat Mübadilə Mərkəzlərinin ərazisində və digər yerlərdə yolun hərəkət hissələrinə çıxmamaları, yalnız müəyyən edilmiş dayanacaq məntəqələrində avtobuslara minib-düşmələri, yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir.

Sürücülərə isə hərəkətdə olarkən yollarda müəyyən edilən sürət həddinə və yol nişanlarının tələblərinə riayət etmələri tövsiyə olunur.