Bu gün Bakı Fond Birjasında Mərkəzi Bankın qısamüddətli notlarının yerləşdiriliməsi üzrə növbəti hərracı keçirilib.

BFB-dan Valyuta.az-a daxil olan məlumata görə, hərrac MB-ın 50101289S dövlət qeydiyyat nömrəli, 100 milyon manat həcmində, 28 gün tədavül müddətli qısamüddətli notlarının yerləşdirilməsi üzrə baş tutub.

Hərrac zamanı 13 investor tərəfindən qiymət intervalı 99.5167 (6.24%) və  99.5543  (5.76%) olan 17 sifariş təqdim edilib. Sifarişlərin nominal qiymətlə ümumi məbləği 501 mln. 697 min manat olub.

Mərkəzi Bankın qərarına əsasən, notların kəsmə qiyməti 99.5543 (5.76%), orta ölçülmüş qiyməti isə 99.5543  (5.76%)  müəyyən edilib. Hərrac nəticəsində notların yerləşdirilmiş həcmi 100 milyon manat təşkil edib. 

Qeyd edək ki, notların ödəmə tarixi 7 Aprel tarixidir.

Rövşən Ziya