Tütün məmulatlarına 95 milyondan çox xərc çəkilib

Cari ilin yanvar-sentyabr aylarında Azərbaycan xaricdən tütün və tütün məmulatlarının idxalına  95 milyon 499.75 min ABŞ dolları dəyərində xərc çəkib. 

Valyuta.az xəbər verir ki, ötən ilin eyni dövründə bu göstərici 89 milyon 94,50 min ABŞ dolları təşkil edib. 
Nəticədə tütün və tütün məmulatlarının idxal dəyərində 6 milyon 405,25 min ABŞ dolları və ya 7,18% artım olub.

Tütün və tütün məmulatlarının idxal dəyəri artsa da, onların ümumi idxaldakı payında azalma müşahidə olunub. Cari ildə bu göstərici 0,57% təşkil edib, ötən ilin eyni dövründə isə 0,61% olub. Beləliklə, ümumi idxal payında 0,04 faiz bəndi azalma qeydə alınıb.

Sərvanə Rəmixanova