Redaktor
Şirkətlər "PAŞA Bank"dan 770 milyondan çox vəsaiti geri çəkib
"PAŞA Bank" ASC-nin 2024-cü il IV rübündə nağd pul vəsaitləri və ekvivalentləri, o cümlədən bloklaşdırılmış nağd vəsaitləri 480 mln. manatdan çox azalaraq 1 mlrd. 421 mln. 937 min manata düşüb.
Valyuta.Az bankın maliyyə hesabatına istinadən xəbər verir ki, əvvəlki ilin müvafiq dövründə bu rəqəm 1 mlrd. 910 mln. 820 min manat idi.
Bundan əlavə bankın ümumi aktivlərinin cəmi də əvvəlki ilin müvafiq dövrü ilə müqayisədə 400 mln. manatdan çox azalaraq 8 mlrd. 651 mln. 371 min manatdan 8 mlrd. 220 mln. 178 min manata düşüb.
Bankın qeyri-maddi aktivlərində də mln.luq azalma müşahidə olunub. Belə ki, 2024-cü ilində bankın bu aktivləri 20 mln. 27 min manat düşüb. Əvvəlki ilin eyni dövründə isə bu rəqəm 21 mln. 626 min manat idi.
Fiziki şəxslərin bankdakı depozitlərində 255 mln. manata yaxın artım qeydə alınsa da, hüquqi şəxslərin depozitlərində də 780 mln. manata yaxın azalma baş verib.
Belə ki, hesabatı açıqlanan dövrdə bankdakı fiziki şəxslərin depozitləri 1 mlrd. 888 mln. 408 min manat, hüquqi şəxslərin depozitləri isə 4 mlrd. 521 mln. 648 min manat olub. Halbuki 2023-cü ilin eyni dövründə bu göstəricilər müvafiq olaraq 1 mlrd. 633 mln. 931 min manat və 5 mlrd. 301 mln. 244 min mannat idi.
Bankın öhdəlikləri də 7 mlrd. 814 mln. 178 min manatdan 7 mlrd. 313 mln. 303 min manata düşüb.
Faiz gəlirlərində isə 30 mln. manata yaxın artım olub. Bank 478 mln. 3 min manat faiz gəliri əldə edib. Əvvəlki ilin eyni dövründə bu göstərici 448 mln. 411 min manat idi.
Faiz xərclərində 60 mln. manata yaxın artım, qeyri-faiz xərclərində isə 42 mln. manata yaxın artıb.
Belə ki, faiz xərcləri 121 mln. 410 min manata, qeyri-faiz xərcləri isə 345 mln. 740 min manata qalxıb. 2023-cü ilin eyni dövründə isə bu göstərici müvafiq olaraq 61 mln. 192 min manat və 303 mln. 576 min manat olub.
Müşahidə olunan mənfi tendensiyalara baxmayaraq, bankın dövr üzrə xalis mənfəətində 11 mln. manata yaxın artım qeydə alınıb. Bank, 210 mln. 538 min xalis mənfəət əldə edib. Əvvəlki ilin müvafiq dövründə bu rəqəm 199 mln. 209 min manat idi.
Rəhim
