Qızılın qiyməti rekord həddə çatdı

Beynəlxalq əmtəə bazarlarında qızılın qiyməti yeni rekorda imza atıb. 

Valyut.az xəbər verir ki, qızılın qiyməti tarixdə ilk dəfə 3 150 dollar həddini keçib.

Belə ki, Nyu-Yorkdakı COMEX birjasında bir troya unsiyası üzrə iyun ayı üçün bağlanan fyuçers müqavilələrinin dəyəri 3 155 ABŞ dollarına çataraq tarixdə ilk dəfə 3 150 dollar səviyyəsini keçib.

Son qiymət artımı 1,31% təşkil edib ki, bu da bazarda qızılın dayanıqlı tələbə malik olduğunu göstərir. 

Qeyd edək ki, COMEX birjasında gümüşün bir unsiyası üzrə may fyuçerslərinin qiyməti də artaraq 35,083 ABŞ dollarına yüksəlib. Bu isə əvvəlki göstəriciyə nisbətən 0,77% bahalaşma deməkdir.

Sərvanə Rəmixanova