Ət bahalaşır, idxal azalır

Cari ilin yanvar-sentyabr aylarında Azərbaycana 33 min 320,97 ton ət idxal edilib.

Valyuta.az xəbər verir ki, bu, ötən ilin eyni dövrü ilə müqayisədə 8 min 94,18 ton və ya 19,54% azalma deməkdir.
Belə ki, 2024-cü ilin ilk 9 ayında ölkəyə 41 min 415,15 ton ət idxal olunub.

Eyni zamanda ət idxalının dəyəri də azalıb. Cari ilin ilk 9 ayında ət idxalı üçün 75 milyon 768,74 min ABŞ dolları xərclənib. Bu, ötən ilin eyni dövrü ilə müqayisədə 14 milyon 745,52 min dollar və ya 16,29% az göstəricidir. 2024-cü ildə həmin göstərici 90 milyon 514,26 min dollar təşkil edib.

Ət idxalının ümumi idxal payına gəldikdə isə rəsmi statistikaya görə, ümumi idxalın 0,45%-ni ət idxalı təşkil edib. Ötən ilin eyni dövründə bu göstərici 0,62% idi.
Beləliklə, ət idxalının ümumi idxaldakı payında da 0,17 faiz bəndi azalma qeydə alınıb.

Sərvanə Rəmixanova