Mixael Şumaxerin 5 yarış qalibi olduğu maşını hərraca çıxarılır

“Formula 1” dünyasının əfsanəvi adı Mixael Şumaxer diqqət çəkən hadisə ilə gündəmə gəlib. Dünyanın ən böyük avtomobil auksion şirkətlərindən biri olan “RM Sotheby's” Şumaxerin 5 yarışda qalib gəldiyi “Formula 1” avtomobilini hərraca çıxaracaq.

Valyuta.az-ın məlumatına görə, 2006-cı il modeli kimi qeydə alınan “Ferrari 248”, Mixael Şumaxer üçün çox xüsusi bir yerə sahib idi. ABŞ və Almaniyada Şumaxer 5 Qran Prisini qazanan avtomobil 2,4 litrlik V8 mühərriki ilə təchiz edilib. 2006-cı il “Formula 1” mövsümünün əvvəlində 730 at gücü hasil edən “Ferrari 248” mövsümün sonunda 785 at gücü hasil edirdi. Bu mühərrik 1964-cü ildə “Formula 1” üçün nəzərdə tutulmuş ilk “Ferrari” mühərriki idi. Beləliklə, avtomobil “Ferrari” üçün də çox vacibdir.

“RM Sotheby's” tərəfindən keçiriləcək hərracda Mixael Şumaxerin “Ferrari 248” avtomobilinin təxmini qiyməti barədə məlumat paylaşılmayıb. Lakin bu naməlum məbləğ noyabrın 14-də hərracın başlanacağı vaxt üzə çıxacaq.

Deyək ki, avtomobil 2007-ci ilə qədər “Ferrari”yə məxsus olub və həmin il əl dəyişib. Avtomobilin indiki sahibi də 2008-ci ildə “Ferrari”dən “Klassik Qırmızı Kitab” sertifikatı alıb. Bu sertifikat o deməkdir ki, avtomobil 100 faiz orijinaldır.

Əvəz Həsənov