"LUKOIL" 14 milyard avroluq xarici aktivlərini itirmək riski ilə üzləşib

Rusiyanın aparıcı neft şirkəti "Lukoil" beynəlxalq aləmdə ciddi çətinliklərlə üzləşib.

Valyuta.az xəbər verir ki, ABŞ şirkətin xarici aktivlərini ticarət nəhəngi "Gunvor"a satmaq planını bloklayaraq, bu şirkəti "Kremlin kuklası" adlandırıb. 

Bu qərar "Lukoil"in beynəlxalq biznesini təhlükə altına qoymaqla yanaşı, dövlətə məxsus əsas rəqibi "Rosneft"in şirkəti ələ keçirməsi ehtimalını yenidən gündəmə gətirib.

Mənbəyə görə, baş tutmayan bu satış "Lukoil"ə azı 14 milyard avroya başa gələ bilər. Şirkət onilliklər ərzində qurduğu beynəlxalq müəssisələri ya satmalı, ya da onlardan imtina etməlidir. Bunun üçün "Lukoil"ə 22 noyabra qədər vaxt verilib. Qərb şirkətləri isə ABŞ sanksiyalarına əməl etmək üçün Rusiya enerji sektorundan uzaqlaşmağa çalışırlar.

Mayya Hüseynova