“Dokta” şirkəti reseptsiz dərman satır?

“Dokta” şirkəti barəsində inzibati iş başlanıb.

Valyuta.az xəbər verir ki, şirkət İnzibati Xətalar Məcəlləsinin 452.1-ci (Apteklərdə resept təqdim edilməklə buraxılmalı olan dərman vasitələrinin reseptsiz buraxılmasına və ya yetkinlik yaşına çatmayanlara dərman vasitələrinin buraxılması qaydalarının pozulması) maddəsi ilə ittiham edilir.

İş baxılması üçün Abşeron Rayon Məhkəməsinə göndərilib. Fevralın 7-nə iş üzrə məhkəmə baxış iclası təyin edilib.

Qeyd edək ki, 452.1-ci maddədə yüz əlli manatdan iki yüz əlli manatadək məbləğdə cərimə nəzərdə tutulur. “Dokta” şirkəti əczaçılıq fəaliyyəti ilə məşğul olur.

Hüseyn