Kənd təsərrüfatı məhsullarının istehsalçı qiymətləri artıb

Azərbaycanda 2024-cü ilin dekabr ayında əvvəlki ayla müqayisədə kənd təsərrüfatı məhsullarının istehsalçı qiymət indeksi 100,3 faiz təşkil edib.

Bu barədə Valyuta.Az Dövlət Statistika Komitəsinin məlumatlarına istinadən xəbər verir.

Məlumata əsasən, bu göstərici bitkiçilik məhsulları üzrə 99,9 faiz, heyvandarlıq məhsulları üzrə 100,8 faiz təşkil edib.

2024-cü ilin dekabr ayında əvvəlki ayla müqayisədə meşə təsərrüfatı məhsullarının istehsalçı qiymət indeksi 99,3 faiz, balıq və sair balıqçılıq məhsullarının istehsalçı qiymət indeksi isə 101,6 faizə bərabər olub.