“İstanbul Aptek” 2000 manat cərimələnə bilər

“İstanbul Aptek” MMC ticarət qaydaları əleyhinə inzibati xəta törətməkdə ittiham olunur. 

Valyuta.az xəbər verir ki, MMC barəsində İnzibati Xətalar Məcəlləsinin 452.3-cü (Aptek təşkilatlarına dair tələblərin pozulması) maddəsi ilə inzibati iş başlanıb. 

İş baxılması üçün Yasamal Rayon Məhkəməsinə göndərilib və hakim Murad Məmmədovun icraatına verilib. 

452.3-cü maddəyə görə vəzifəli şəxslər 500 manatdan 700 manatadək məbləğdə, hüquqi şəxslər 1000 manatdan 2000 manatadək məbləğdə cərimə edilir.

Hüseyn