"Gemini"yə görə "Google"a qarşı kollektiv iddia qaldırıldı

ABŞ-da "Google"a qarşı kollektiv iddia qaldırılıb və şirkət "Gemini" süni intellektindən (Al) istifadə edərək "Gmail" istifadəçilərinin şəxsi yazışmalarına qanunsuz daxil olmaqda ittiham olunur. 

Valyuta.az xəbər verir ki, "Bloomberg" bu barədə iş materiallarına istinadən məlumat yayıb.

İddia ərizəsinə görə, "Google", "Gmail", "Chat" və "Meet" istifadəçilərinin şəxsi rabitəsini izləmək üçün "Gemini" süni intellekt köməkçisindən istifadə edib. İddiaçılar iddia edirlər ki, şirkət istifadəçilərin xəbəri və ya razılığı olmadan məlumat toplayaraq, bununla da gizli məlumatların toplanmasını qadağan edən Kaliforniya qanununu pozub.

Agentliyin məlumatına görə, istifadəçilər əvvəllər tətbiqlərində "Gemini funksiyasını aktivləşdirib-aktivləşdirməmək barədə müstəqil qərar verə bilirdilər. Lakin oktyabr ayında "Google" istifadəçilərə xəbərdarlıq etmədən bütün xidmətlərində avtomatik olaraq onu aktivləşdirib.

İddia ərizəsi Kaliforniya məhkəməsinə verilib. Zərərçəkənlər şirkətin hərəkətlərinin məxfilik hüquqlarının pozulması kimi tanınmasını tələb edirlər.

Paşa Məmmədli