Elektromobil idxalı 40 milyon dollardan çox azalıb

Bu ilin yanvar-sentyabr aylarında Azərbaycan xaricdən 48 milyon 210 min dollar dəyərində 1 559 ədəd elektromobil idxal edib. 

Valyuta.az Dövlət Gömrük Komitəsinə istinadən xəbər verir ki, ötən ilin eyni dövrü ilə müqayisədə bu il idxal edilən elektromobillərin sayı 686 ədəd və ya 30.56%, dəyəri isə 40 milyon 410 min dollar və ya 45.6% azalıb.  

Qeyd edək ki, 2024-cü ilin yanvar-sentyabr aylarında ölkəyə 88 milyon 620 min dollar dəyərində 2 245 ədəd elektromobil gətirilib.   

Bu ilin ilk doquz ayında bir elektromobilin orta idxal dəyəri 30 min 921 dollar ( 52 min 566 manat) təşkil edib. Ötən ilin yanvar-sentyabr ayında isə bu rəqəm 39 min 465 dollar (67 min 91 manat) idi.  

Bu isə illik müqayisədə 8 min 544 dollar və 21.65% azdır.    

Mayya Hüseynova