Dost olmayan ölkələr Rusiyadan 264 milyon dollarlıq titan alıb

2024-cü ildə dost olmayan Qərb ölkələri 264,9 milyon dollar məbləğində Rusiya titanını alıblar.

Valyuta.az xəbər verir ki, bu barədə "RİA Novosti" məlumat yayıb. 

Qeyd olunub ki, ABŞ və bir sıra Avropa İttifaqı ölkələri Rusiya resurslarından imtina ilə bağlı bəyanatlara baxmayaraq, Rusiya metalını almağa davam edir. Titan kimya sənayesində, energetikada, aerokosmik və gəmiqayırmada istifadə olunur.

Rusiya metalının idxalında qeyri-dost ölkələrin payı ümumi həcmin 11,4%-ni təşkil edib.

Bundan əvvəl "Politico" yazıb ki, Qərb ölkələri 2024-cü ilin birinci yarısında təxminən 2 milyard dollar dəyərində Rusiya neftindən hazırlanmış yanacaq alıb. Rusiya neftindən hazırlanan benzin, dizel yanacağı və digər məhsulların tədarükü son aylarda Türkiyənin üç neft emalı zavodundan idxal hesabına artıb.

Həmçinin ABŞ-dan Avropa İttifaqına mayeləşdirilmiş təbii qazın (LNG) ixracı kəskin şəkildə azalaraq amerikalı tədarükçülərin gəlirlərini 791,4 milyon dollara qədər azaldıb.

Paşa Məmmədli