“Çıraq” platformasında indiyədək 107 mln. tona yaxın neft hasil edilib

“Azəri-Çıraq-Günəşli” (AÇG) neft-qaz yataqları blokunda yerləşən “Çıraq” platformasında indiyədək (01 noyabr 2025-ci il tarixinə) 106,8 mln. ton neft hasil edilib.

Valyuta.az bu barədə Energetika Nazirliyinə istinadən xəbər verir. Hesabat dövründə platformadan 24,7 mlrd. kubmetr qaz hasil edilib.

Qeyd olunur ki, cari ildə “Çıraq” platformasında ümumi hasilat təqribən gündə orta hesabla 21 min barel təşkil edib.

Xatırladaq ki, Azərbaycan neft sənayesinin simvollarından sayılan "Çıraq" platformasından ilk neft hasilatına başlanılmasından 28 il ötür.