Bu nazirlik bir gündə iki tender elan etdi

"Azərbaycan Respublikası İqtisadiyyat Nazirliyinin Tikinti-Təchizat Birliyi" MMC 2 tender elan edib.

Valyuta.az xəbər verir ki, elan olunan tenderlər çap materialları məhsulları və “insan resurslarının idarə edilməsi" informasiya sisteminin texniki dəstəklənməsi və funksionallığın inkişaf etdirilməsi xidmətləri ilə bağlıdır. Tenderlərin ümumi qiyməti 490 min 833 manat hesablanıb.

Belə ki, çap materialları məhsulları üzrə ilkin ehtimal olunan qiymət 264 min 209 manat, “İnsan resurslarının idarə edilməsi" informasiya sisteminin texniki dəstəklənməsi və funksionallığın inkişaf etdirilməsi xidmətləri ilə bağlı olan tenderin ilkin ehtimal qiyməti isə 226 min 624 manatdır. Elan olunan tender aprelin 21-dək davam edəcək.

Qeyd edək ki, tender elan edən MMC 2021-ci ilin fevralın 11-də dövlət qeydiyyatına alınıb. Qanuni təmsilçisi İsgəndərov Anar Sabir oğludur, şirkətin nizamnaməsi 1 milyon 37 min manatdır. 

Sərvanə Rəmixanova