Bankların depozit xərcləri 1 mlrd. manatı keçib

Cari ilin yanvar-oktyabr aylarında Azərbaycanda bankların cəlb etdikləri depozitlər (əmanətlər) üzrə faiz xərcləri 1 milyard 52.8 milyon manat təşkil edib.

 Valyuta.az xəbər verir ki, bankların depozitlər üzrə faiz xərcləri ötən ilin eyni dövrü ilə müqayisədə 45.06% və ya 327 milyon manat artıb.

2024-cü ilin müvafiq dövründə banklar 725.8 milyon manat depozit faizi ödəmişdilər.

Qeyd edək ki, cari il noyabr ayının 1-nə banklarda hüquqi və fiziki şəxslərin depozitlərinin həcmi (maliyyə institutları istisna olmaqla) 36 milyard 62.9 milyon manat təşkil edib. Onun da 14 milyard 164.7 milyon manatı xarici valyutada yerləşdirilən depozitlər olub. 

Xatırladaq ki, hesabat dövründə Azərbaycanda fəaliyyət göstərən 22 bank ümumilikdə 4 milyard 105.6 milyon manat faiz gəliri əldə ediblər.

Mayya Hüseynova