Azərbaycanlı professor dünyanın ən nüfuzlu alimləri siyahısına daxil edilib (FOTO)

Səhiyyə Nazirliyi Axundov adına Elmi Tədqiqat Tibbi Profilaktika İnstitutunun direktoru, professor Adil Allahverdiyev Stanford Universitetinin araşdırmasına görə dünyanın ən nüfuzlu alimləri siyahısına daxil edilib.

Valyuta.az xəbər verir ki, araşdırmaya əsasən dünyada müxtəlif elm sahələrində fəaliyyət göstərən 10 milyondan çox elm insanının fəaliyyəti dəğərləndirilib.

Nəticədə yalnız 2 % alim bu siyahıya daxil olmağa layiq görülüb.

Qeyd edək ki, Stanford Universitetinin tərtib etdiyi siyahı qlobal miqyasda elmi tədqiqatların qiymətləndirilməsi və alimlərin beynəlxalq arenada təsirinin müəyyən edilməsi sahəsində etibarlı bir referans mənbəyi kimi tanınır.

© Report