Azərbaycanın ötən ay ən çox idxal həyata keçirdiyi ölkələr - TOP 10

2025-ci ilin yanvar ayı üzrə Azərbaycanın xarici ticarət dövriyyəsi 5 090 838.13 min ABŞ dolları (5 milyard 90 milyon 838 min) təşkil edib.

Valyuta.Az xəbər verir ki, bu məbləğin 3 038 454.32 min ABŞ dolları ixracın payına, 2 052 383.81 min ABŞ dolları isə idxalın payına düşüb. Yəni, ümumi ticarət dövriyəsinin 59.68 %-ni ixrac, 40.32 %-ni isə idxal təşkil etmişdir. 

Qeyd edək ki, sözügedən dövrdə xarici ticarət dövriyyəsində 987 milyon dollarlıq müsbət saldo yaranıb.

Toplamda dünyanın 100-dən artıq ölkəsindən 5120 növdə məhsul idxal olunub. İxrac olunan məhsulların sayı isə 1 027 olub.

Bəs ən çox idxal həyata keçirdiyimiz ölkələr hansılardır? 

Dövlət Gömrük Komitəsinin açıqladığı rəsmi məlumatlara əsasən, yanvar ayında ən çox məhsul idxal olunan ölkə Çin Xalq Respublikası olub. Buradan son 1 ayda toplamda 378 445.97 min ABŞ dolları dəyərində məhsul idxal olunub. 

İkinci yerdə 330 667.29 min ABŞ dolları ilə Rusiya, üçüncü yerdə isə 226 661.12 min ABŞ dolları isə Avstraliya tutub. İlk beşliyi isə Meksika və Türkiyə tamamlayıb. 

Aşağıdakı cədvəldən son 1 ayda ən çox məhsul idxal etdiyimiz ölkələri və xərclənən vəsaiti görə bilərsiniz: 

Qeyd edək ki, Çindən idxal olunan məhsullar ümumi idxalın 18.44 %-ni təşkil edib. İdxalın 16.11 %-i Rusiyanın, 11.04 %-i Avstraliyanın, 8.78 %-i Meksikanın, 8.54 %-i Türkiyənin, 5.87 %-i Böyük Britaniyanın, 2.70 %-i İran İslam Respublikasının, 2.68 %-i Almaniyanın,  2.56 %-i  Amerika Birləşmiş Ştatlarının, 2.03 %-i Braziliyanın payına düşüb. 

İdxalın 21.25 %-ni isə digər ölkələr təşkil edib.

Rəhim