Azərbaycanda bu mobil operator fəaliyyətini dayandırır - NÖMRƏLƏR İŞLƏMƏYƏCƏK

Dekabr ayının 1-dən etibarən “Naxtel” MMC tərəfindən telekommunikasiya xidmətlərinin göstərilməsi dayandırılacaq.

Valyuta.az xəbər verir ki, fəaliyyəti dayandırılacaq MMC-nin abunəçiləri mobil rabitə xidmətlərindən yararlanmağa davam etmək üçün oktyabr ayının 1-dən, dekabr ayının 1-nə kimi digər mobil operatorlara (Azercell, Bakcell, Nar) müraciət etməlidirlər.

Eyni zamanda qeyd olunur ki, adları çəkilən mobil operatorların şəbəkəsinə keçid etməyən abunəçilərin nömrələri onların istifadəsindən çıxarılacaq, ləğv ediləcək və həmin mövcud müqaviləyə xitam veriləcək.

Nəticə etibarı ilə müqaviləyə xitam verilməsi ilə nömrədə mövcud olan və fərdi qaydada aktiv edilmiş xidmət(lər) deaktiv ediləcək, SIM kartın balansında qalan, lakin istifadə edilməmiş vəsaitlər isə sıfırlanacaq.