Analitiklər Şərqi Asiya iqtisadiyyatının gələcəyini proqnozlaşdırdılar

Önümüzdəki iki il ərzində Şərqi Asiyada iqtisadi artım yavaşlayacaq. 

Valyuta.az xəbər verir ki, bu proqnozu Dünya Bankının (DB) analitikləri veriblər.

Regionun ÜDM artımının 2024-cü ildə 4,5%, 2025-ci ildə isə 4,3% olacağı gözlənilir. Müqayisə üçün: ötən ilin sonunda bu göstərici 5,1% olub.

Ekspertlərin fikrincə, bu dinamika əsasən Çin iqtisadiyyatının pandemiyadan sonra yavaş bərpası ilə bağlıdır. Mənzil bazarı çökdükdən sonra ölkə borc tələsinə düşüb. Yaxın gələcəkdə Çin iqtisadiyyatı “balans resessiyasına” girmək riski ilə üzləşir.

Digər amillərə Şərqi Asiya üçün əsas bazar olan inkişaf etmiş ölkələrin proteksionist siyasəti daxildir. Söhbət xüsusilə ABŞ, Cənubi Koreya və Yaponiyadan gedir.

Dünya Bankının hesabatına görə, Tayland hazırda region ölkələri arasında ən təhlükəli vəziyyətə malikdir. Filippin, Vyetnam və Kamboca daha inamlı görünürlər.

Nicat