10 nəqliyyat vasitəsi satışa çıxarılır - 1 350 manatdan

3 fevral 2026-cı il tarixində müxtəlif dövlət qurumlarının balansında olan nəqliyyat vasitələri hərraca çıxarılacaq. 

Valyuta.az xəbər verir ki, hərraca çıxarılan nəqliyyat vasitələri arasında “Azərbaycan Respublikasının Qəbələ Rayon İcra Hakimiyyəti”nin balansında olan 2011-ci il buraxılışlı “JAC XZL5I63ZYS3” xüsusi təyinatlı avtomobilin start qiyməti 12 600 manat olaraq müəyyən edilib. 

Həmin hərracda ümumilikdə üç nəqliyyat vasitəsi satışa çıxarılıb. Bakı və Gəncə Apellyasiya Məhkəmələrinin balansında olan minik avtomobilləri də hərracda təklif olunur. “KHAZAR SD” markalı (2022-ci il) avtomobil 12 600 manat, “CHEVROLET NIVA” (2007-ci il) isə 3 690 manat start qiyməti ilə satışa təqdim olunacaq. 

Ən çox nəqliyyat vasitəsi “Azərbaycan Respublikasının Müdafiə Nazirliyi” tərəfindən hərraca çıxarılıb. Buraya əsasən yük maşınları, xüsusi təyinatlı avtomobillər və qoşqular daxildir.

Satışa təqdim olunan bəzi nəqliyyat vasitələri bunlardır: 2003-2006-cı il buraxılışlı “QAZ-3308”, “QAZ-3307”, “URAL-4320”, “KamAZ-43114”, “UAZ-31512”, “UAZ-3962”, 1981-1999-cu il istehsalı “ZIL-131”, “MAZ-5334”, “KrAZ-255B”, “Tofaş” və müxtəlif markalı qoşqular. Avtomobillər 44 100, 15 570, 10 710, 34 470, 34 110, 1 350 manat ilə satışa təqdim olunur.

Eyni zamanda, “Azərbaycan Respublikası Prezidentinin İşlər İdarəsi”nin balansında olan 2015-ci il buraxılışlı “ZL 08006” markalı motosiklet 800 manat start qiyməti ilə satışa təqdim olunacaq. Bu nəqliyyat vasitəsinin satışı üzrə keçirilən hərracın nəticəsi ləğv edildiyindən nəqliyyat vasitəsi 2-ci dəfə təkrar hərraca çıxarılır.

Digər adı çəkilən qrumlara məxsus nəqliyyat vasitələri isə 3-cü dəfə 10% endirimlə təkrar hərraca çıxarılır.

Mayya Hüseynova