“Ölkədə sərnişin daşıma, avtobus sürücülərinin seçilməsi, işə götürülməsi avtomobil nəqliyyatı, sərnişin və baqaj daşınması haqqında qaydalar mövcuddur. Bu qaydalarda istər nəqliyyat vasitəsi, istər nəqliyyat vasitəsinin sürücüsü haqqında kifayət qədər tələblər var”.

Bu sözləri Valyuta.az-a nəqliyyat məsələləri üzrə ekspert Yasin Mustafa “avtobus sürücülərinin sağlamlıq və psixoloji vəziyyətinə nəzarəti necə gücləndirmək olar? Şirkətlər sürücü seçərkən onların psixoloji durumu ilə bağlı hər hansı bir testlər aparırmı” və s suallara cavab verərkən deyib. 

Yasin Mustafa bildirib ki, “Avtomobil nəqliyyatı ilə sərnişin və yük daşıma Qaydaları”nın 3-cü maddəsi ilə sərnişin avtonəqliyyat vasitələrinin sürücülərinə kifayət qədər tələblər qoyulub. Sürücülərin peşəkarlığı, onların sərnişinlə rəftarı 3.3-1 bəndində açıq göstərilib:

“Bu qaydalarda müəyyən məqamlar var ki. onlara diqqət etsək, görərik ki, bu sahə qanunla tənzimlənir. Məsələn, sürücü reys qabağı tibbi müayinədən keçməlidir, onun yol vərəqinə bu qeyd edilməlidir. Müayinədən keçərkən sürücünün alkaqol, narkotik, güclü təsir göstərən digər maddələrdən istifadə edib-etməməsi, ümumi sağlamlığı yoxlanılır. Bundan əlavə yoxlama zamanı onun psixoloji vəziyyətidə müəyyənləşdirilir. Tətbiq edilən qaydalara əməl etsək, bu çətinliklərlə qarşılaşmarıq”.  

Həmsöhbətimiz qeyd edib ki, həmin qanunda ümumi istifadədə olan avtomobil nəqliyyatı ilə daxili sərnişin daşımaları yerinə yetirən sürücüləron Azərbaycan Respublikasının Nazirlər Kabineti tərəfindən peşə fəaliyyətinə və davranışına, habelə iş və istirahət rejiminin xüsusiyyətlərinə dair təsdiq edilmiş xüsusi proqram üzrə hazırlıq keçməsi ilə bağlı maddə var:

“Bu maddə ilə sürücü avtomobil nəqliyyatı ilə sərnişin daşımalarını tənzimləyən normativ hüquqi aktlar barədə zəruri biliklərə malik olmalıdır. Bunlar qanunda kifayət qədər nəzərdə tutulub. Amma qanunda nəzərdə tutulmuş maddələr nə dərəcədə yerinə yetirilir, sərnişin daşıma ilə məşğul olan şirkətlər buna nə qədər əməl edir və s. məsələlərə yerli icra orqanları nəzarət etməlidir”. 

Davud