“Sabahdan etibarən Bakı Metropolitenində xüsusi gün başlayır, hərəkət qrafiki dəyişdirilir. Ən optimal hərəkət qrafiki tətbiq olunacaq”.

Bunu Valyuta.az-a açıqlamasında Bakı Metropoliteni QSC-nin mətbuat katibi Bəxtiyar Məmmədov deyib. O bildirib ki, pandemiyadan sonra Bakı Metropoliteni sentyabr ayında daha çox sərnişin daşıya biləcək:

“Son 3 gündə biz 600 mindən çox sərnişin daşımışıq. Düzdür, ehtiyat qatarları da xəttə çıxarılıb. Amma sabahdan Bakı Metropoliteninin texniki imkanları həddində olan ən sıx qrafik tətbiq olunacaq. Bizim müəyyən etdiyimiz gur saatlar səhər saat 7:00-dan 10:00-a, axşam isə saat 17:30-dan 19:30-a kimidir. Buna uyğun olaraq “28 may”dan “Həzi Aslanov”a kimi interval 2 dəqiqəyə salınacaq. “28 may”da iki xətt birləşdiyindən “İşərişəhər”  və “Dərnəgül”ə iki dəfə artıq intervalla təmin etmək qeyri-mümkündür”.

Bəxtiyar Məmmədov infrastruktur baxımından hər hansı problemin olmadığını vurğulayıb:

“Sərnişin sıxlığı gözləyirik. İnsan resursları baxımından bütün tədbirlər görüləcək ki, təhlükəsizlik təmin olunsun”.  

Aylin