Bolqarıstan hökuməti Rusiya gəmilərinin ölkə limanlarına daxil olmasını qadağan edib. Bu qərar Avropa İttifaqının Rusiya Federasiyasına qarşı beşinci sanksiyalar paketinə uyğun olaraq qəbul edilib.

Valyuta.az xəbər verir ki, bu barədə məlumatı "The Guardian" Bolqarıstanın Dəniz Administrasiyasına istinadən yayıb.

“Rusiya bayrağı altında üzən, eləcə də fevralın 24-dən sonra Rusiya bayrağını və ya dəniz reyestrində qeydiyyatını hər hansı başqa ölkəyə dəyişdirmiş bütün gəmilərin Bolqarıstanın dəniz və çay limanlarına girişi qadağandır”, deyə Dövlət Dəniz Administrasiyasından bildirib.

Qadağanın iki istisnası var. Birincisi qəzaya uğramış və ya humanitar yardıma ehtiyacı olan gəmilərə aiddir. İkincisi, enerji daşıyıcılarının, qida məhsullarının və dərmanların daşınmasıdır. Oxşar qadağalar və istisnalar Avropa İttifaqında Rusiya yük maşınlarına da aiddir.

Xatırladaq ki, Bolqarıstan Rusiya Federasiyasınan gəmilərinin öz limanlarına girişini qadağamn edən ilk ölkə deyil. Bundan əvvəl eyni addımı Rumıniya və İtaliya da atıb.