- Mən, İsmayılov Sərdar Əbülfət oğlu, 05 noyabr 1987-ci ildə Naxçıvan şəhərində anadan olmuşam. Bakı Dövlət Universitetinin hüquq fakültəsini bitirmişəm. Ailəliyəm, bir övladım var.

 

 

- Bəli, 2018-ci ildən etibarən vəkil fəaliyyəti ilə məşğul oluram.

 

 

- AR Vəkillər kollegiyasının üzvüyəm. Vəkil kimi fəaliyyət göstərdiyim vaxt ərzində yüzlərlə insana hüquqi yardım göstərmişəm, onların hüquqlarını müxtəlif orqanlarda və təşkilatlarda  müdafiə və təmsil etmişəm. Hesab edirəm ki, artıq yüzlərlə yox, on minlərlə insanın hüquqlarını müdafiə və təmsil edib, onların vəkili olmağın vaxtı çatıb. Bir sözlə, vəkil Sərdar İsmayılov millətin vəkili olmağı, yəni ki, daha çox faydalı olmağı istəyir.

 

 

- Mənim üçün əsas prinsip faydalı olmaqdır. Vəkillik fəaliyyətimdə də bu prinsiplə davam edirəm, amma deputat seçilərəmsə, faydalılıq əmsalının daha da yüksək olacağını düşünürəm.

 

 

- Əslində, mən bu günə qədər siyasətə qarışmamışam və siyasi fikirlər səsləndirməmişəm. Qarabağ camaatı yaş etibarı ilə məni tanımaya bilər, amma özlərindən, içlərindən olan bir gənc kimi etibr edə bilərlər. Hələlik bu barədə çox da bir söz demək istəmirəm ki, pafoslu görünməyim. Sağlıq olsun, zaman hər şeyin dərmanıdır. 

 

 

- Doğrudur, mənim üçün əslində, Yasamal ərazisindən namizədlik vermək daha rahat olardı. Həm məni daha çox tanıyırlar, həm də ərazi baxımından geniş deyil. Nəzərə alsaq ki, Cəbrayıldanam, əslim-köküm oralıdır və namizədliyimi də oradan verməyimin daha məqsədə uyğun olduğunu düşünürəm.

 

 

- Olacaq, əlbəttə, amma pafoslu olmasın, çətinə qaçmağı sevirəm. Daha dəqiq, bugünədək hansı işim çətin olubsa, mübarizə aparıb uğur qazanmışam. Ona görə də özümə güvənib, seçimimi də məhz bu dairə üzərində etdim. Bilirəm ki, kifayət qədər prespektivli, enerjili, səriştəliyəm. Bu xüsusiyyətləri də yaxşı işlər üçün sərf etməyi özümə məqsəd seçmişəm.

 

 

 

- Seçkiyə getmək seçki hüququ qazanmış hər bir vətəndaşın haqqıdır və düşünürəm ki, insanlar bu hüquqlarından nə olur olsun istifadə etməlidir. Pafoslu cümlələrlə insanların inamına şübhə salmaq, "əşşi, hamısı belə deyir” düşüncəsi yaratmaq istəmirəm, amma onu deyirəm ki, məhz bu seçkiyə gəlsinlər və mənə inansınlar. Fəaliyyətimin ilk günündən onlara bu inamı qazandıracam.

 

 

- Mən seçilərəmsə, bu, ilk növbədə həm də dövlətimiz üçün uğurlu seçim olar. Çünki dövlət maraqları da mənim üçün ümdə məsələlərdən biridir. Ona görə ki, biz hər birimiz tutduğumuz mövqe və statusdan asılı olmayaraq dövlətimiz üçün üzərinə düşən vəzifə və öhdəliyi yerinə yetirməliyik. Belə deyək, 10 milyonluq bir gəmi düşünün, kapitanından  matrosuna, texniki işçidən tutmuş aşpazına qədər ilkin olaraq bu gəminin batmaması üçün mübarizə aparmalıdır. Daha sonra da gəminin uzaq sulara üzməsi üçün hər kəs üstünə düşən vəzifəni layiqincə yerinə yetirməlidir. İndi mən də öz üzərimə düşəni etmək üçün bu yola düşmüşəm. Necə deyərlər, Allah utandırmasın. 

 

 

- Əvvəla, çəkinmək sözü mənim leksikonumda yoxdur. Həm də niyə, nədən çəkinim ki? Bu, bir siyasi mübarizədir, bizlər də mübarizəni aparan rəqiblər. Düşünürəm ki, bu mübarizə mədəni və sivil qaydada, o cümlədən, qanunlara riayət edilməklə aparılmalıdır. Xüsusi ilə heç kimə qarşı da kinim, nifrətim yoxdur, bütün mübarizə aparan rəqiblərə uğurlar arzu edirəm.