AVRO-2024-ün finalında İspaniya rəqibi İngiltərəni 2:1 hesabı ilə məğlub edərək dördüncü dəfə kubokun sahibi olub. Çempionatdan sonra İspaniyanın nə qədər pul qazandığı məlum olub.

Valyuta.az xəbər verir ki, İspaniya ilk olaraq turnirdə iştirak haqqı olaraq 9,25 milyon avro qazanıb. Qruplardan 3 qalibiyyətlə ayrılan komanda 3 milyon avro əlavə gəlir əldə edib. İspanlar son 16 turda 1,5 milyon avro qazansa da, 1/4 finalda 2,5 milyon avro qazanıblar. Yarımfinal mərhələsində 4 milyon avro, finalda isə çempionluq mükafatı olaraq 8 milyon avro qazanıb.

UEFA-nın rəsmi saytında yer alan məlumata görə, AVRO-2024-ün qrup mərhələsində keçirdiyi 3 oyunun hamısında qalib gələrək çempion olmağa layiq olan komanda maksimum 28,25 milyon avro qazanır.

İspaniya turnirdən əldə edə biləcəyi maksimum gəliri, yəni 28,25 milyon avronu öz xəzinəsinə qoyub.

Əvəz Həsənov