“Heç vaxt təslim olma” ifadəsinin şablon olmasının bir səbəbi var. Həyat uğursuzluqdan müvəffəqiyyətə qədər ümid hekayələri ilə doludur. Hər uğursuzluq əslində uğura aparan yolda kiçik bir zərbədir. Bizi bir az sarsıtsa da, yolu tanımağa kömək edir və bizi daha da gücləndirir. 

Sarah Jessica Parker, Stephen King, J.K. Rowling, Emily Blunt, Oprah Winfrey və Cim Carrey. Zəngin, gözəl, istedadlı, yaraşıqlı, ən çox da şanslı sifətlərindən istifadə etməzdən əvvəl onların məşhurlaşmadan əvvəlki həyatlarına nəzər salmaqda fayda var. Bir müddət avtomobillərində yaşamaq məcburiyyətində qalan, uzun müddət yoxsulluq və ciddi ailə çətinlikləri ilə mübarizə aparan, karyera yollarında onlarla dəfə rədd edilən, lakin heç vaxt təslim olmayan bu məşhur adların həyat hekayələri çox diqqəti çəkir.

Valyuta.az xəbər verir ki, bu şablona tam uyğun gələn və çətinliklərə baxmayaraq cəhddən əsla vaz keçməyən 6 dünyaca məşhur adın uğur hekayələrini təqdim edir:

J.K. Rowling

Məşhur yazıçı ilk kitabından - “Harri Potter”dən cəmi üç il əvvəl böyük çətinliklərlə üzləşib. Dövlət yardımı alan və boşandıqdan sonra körpəsinə baxmaqda çətinlik çəkən Rowling kompüteri olmadığı üçün 90 min sözdən ibarət "Harri Potter və Fəlsəfə Daşı" adlı ilk kitabını əl ilə yazıb. Onlarla dəfə rədd cavabı alandan sonra kiçik bir nəşriyyat kitabı nəşr etmək qərarına gəlir. Buna səbəb nəşriyyat sahibinin səkkiz yaşlı qızının kitabı çox sevməsi olub.

Stiven Kinq

Stiven Kinq uzun müddət çox kasıb bir həyat yaşayır. Evlənmək üçün borc götürür və həyat yoldaşı ilə karvanda yaşamağa başlayır. O, heç vaxt yazmaqdan vaz keçmir. O, cəmi 35 dollar qazandığı ilk nəşr olunan “The Glass Floor” hekayəsindən əvvəl 60 rədd məktubu alıb. Stiven Kinq kitabları bu gün milyonlarla tirajla satılan məşhur yazıçıdır.

Cim Kerri

Cim Kerrinin çətin günləri 14 yaşında başlayır. Atası işini itirir və onlar treylerə köçməli olurlar. İlk dəfə 15 yaşında anasının hazırladığı kostyumla səhnəyə çıxan Kerri axtardığı diqqəti tapa bilməyib. 16 yaşında məktəbi tərk edib və komediyaçı olmaq üçün Los-Ancelesə köçüb. Uzun müddət öz avtomobilində yaşayan və arzularına çatmaq üçün mübarizə aparan Kerri 1995-ci ildə özünə bir qeyd yazıb və bir gün 10 milyon dollar qazanacağını bildirib. Onun arzusu “Dumb and Dumber” filmi ilə reallaşır. Bu qeydi hələ də saxladığını deyən Kerri xəyalının arxasınca getməyi heç vaxt dayandırmayıb.

Sarah Jessica Parker

Sarah Jessica Parker kasıb mədən şəhərciyində anadan olub. Onun dörd bacısı var. Onun iki yaşı olanda valideynləri boşanır. Anasının ikinci evliliyi ilə ailəyə daha dörd bacı əlavə edildikdə, Parker anasını maddi cəhətdən dəstəkləmək üçün özünü rəqs və mahnı oxuyarkən tapır. Kasıb həyatına baxmayaraq, anası həmişə Parkeri aktyor olmağa təşviq edir. Parker heç vaxt təslim olmur. O, təqaüdlə oxuyur, sonra aktyor dinləmələrində iştirak edir. Onlarla köməkçi rollardan sonra o, nəhayət, Kerri obrazı ilə sıçrayış edir.

Emili Blant

“Qızıl Qlobus” da daxil olmaqla bir çox mükafatlara namizəd olan məşhur aktrisa Emili Blantın uşaq ikən kəskin kəkələmə xəstəliyindən əziyyət çəkdiyini bilirdinizmi? Məşhur aktyor heç vaxt təslim olmur, ailəsinin və müəllimlərinin dəstəyi ilə rol aldığı kiçik tamaşalarda nitq çətinliyini aradan qaldırmağa başlayır.

Oprah Winfrey

Məşhur aparıcı Oprah Winfrey həyatı boyu bir çox çətinliklərlə üzləşir. İrqçilik, ailə problemləri, təcavüz bunlardan yalnız bir neçəsidir. Bütün bu çətinliklər onu heç vaxt ruhdan salmır. Əvvəlcə məktəbdə fəxri kürsüyə düşür. Sonra universiteti tam təqaüdlə bitirir və televiziya aləminə qədəm qoyur. Bu gün Oprah proqramlarına milyonlarla insan tərəfindən baxılan bir televiziya şəxsiyyətidir və o, dünyanın ən güclü qadınlarından biridir.

Əvəz Həsənov