Bəzən heç nə etmək istəmirik. Etməli olduğumuz işləri davamlı olaraq təxirə salırıq və bütün günü yataqdan qalxmaq istəmirik. Əgər tənbəlliyinizə son qoymaq istəyirsinizsə, indi dəyişiklik vaxtıdır. Sizə 7 addımda tənbəllikdən qurtulmağın yollarını təqdim edirik.

1. Uğursuzluqdan qorxma

Bütün imkanları və bütün ən pis ssenariləri düşünün. Uğursuz olduğunuz zaman sizə nə olacaq? Unutma ki, uğursuz olsan belə, nəsə qazanacaqsan. Bu da təcrübə olacaq. Həm də güclü və cəsarətli bir duruşun olacaq. Beləliklə, özünüzü sevmək üçün daha bir səbəb tapacaqsan.

2. Vaxta deyil, tapşırığa fokuslanın

Görəcəyiniz işin nə qədər qısa, yaxud uzun vaxt tələb etdiyinə deyil, nə etməli olduğunuza diqqət yetirsəniz, daha çox motivasiya olacaq və daha çox iş görmək istəyəcəksiniz.

3. Dəqiq bir məqsəd qoyun

Nə etdiyinizi, niyə etdiyinizi bilin. Sizi həqiqətən xoşbəxt edəcək şeyləri tapın və bunu məqsəd kimi təyin edin. Ona çatmaq üçün əlinizdən gələni edin. Uğur qazanacağınız gələcək haqqında düşünün.

4. Görüləcək işlərinizin siyahısını yaradın

Ən çətin addım həmişə başlamaqdır. Sizi nə gözlədiyini və nə etməli olduğunuzu bir kağız parçasına yazın. Görüləcək işlər siyahısı işə başlamağı asanlaşdırır.

5. Lazımsız vədlər verməyin

Üzərinizə götürdüyünüz hər əlavə tapşırıq motivasiyanızı daha da azaldır. “Yox” deməyi öyrənməli və bir az özünüzə diqqət etməlisiniz.

6. Mənəvi olaraq yaxşı hiss edin

Psixi sağlamlıq fiziki sağlamlıq qədər vacibdir. Ruhunuz üçün məşq və meditasiya kimi qaçış nöqtələri yaradın. Stress səviyyənizin fərqində olun. Uğurlu olmaq üçün sakit bir ağıl lazımdır.

7. Gününüzü planlaşdırın

Planlaşdırılmış gün ən məhsuldar gündür. Yuxudan oyandığınız andan etibarən nə etməli olduğunuzu nəzərdən keçirin. Ən məhsuldar olduğunuz dövrü tapın. Gününüzü bu vaxta uyğun təşkil edin.

Leyli