"Netflix" indiki quruluşu ilə birdən-birə telefonlarımıza, kompüterlərimizə, televizorlarımıza gəlmədi. Dünyanın ən çox istifadə olunan onlayn serial-film platforması olmasının arxasında bir uğur hekayəsi var...

1997-ci ildə Kaliforniyada Reed Hastings və Marc Randolph tərəfindən qurulan şirkətin ilk işi DVD-lərin satışı və icarəsi idi.

DVD kirayəsi sahəsində də çox müvəffəqiyyətli olan şirkət 2007-ci ildə serial və film sənayesinin onlayn rəqəmsal dünyaya keçməsi ilə internet sektoruna rəsmi olaraq daxil oldu.

Ancaq şirkət 2013-cü ildə çıxardığı “House of Cards” seriyası ilə indiki formasını, yəni "Netflix Original"ı aldı. Bu serialla “Netflix Original” serialı başladı.

Öz serialını istehsal edən “Netflix”i fərqləndirən xüsusiyyətlərdən biri də serialının bölümlərini həftəbəhəftə deyil, bütün mövsümü bir anda yayımlamasıdır. Bu yanaşma həm istifadəçiləri təəccübləndirdi, həm də platformaya olan qiyməti artırdı.

Abunəçilərini çevikliyə öyrədən “Netflix” serial epizodlarının bolluğu ilə kifayətlənmədi, eyni zamanda platformaya bütün smart cihazlardan daxil olmağı mümkün etdi. Televiziya, telefon və kompüter vasitəsilə girişin təmin edilməsi və istənilən vaxt əlçatan olması istifadəçiləri ona daha da bağlı edib.

Baxmaq üçün yüksək ödənişlər ödədiyimiz bir çox yayım janrları və platformalar aldıqları ödənişə baxmayaraq istifadəçilərinə reklam göstərsə də, “Netflix” satın alınan abunə növündən asılı olmayaraq istifadəçilərinə heç bir reklam göstərmir.

“Netflix Original” filmləri və serialları keyfiyyəti ilə böyük uğur qazanıb. “Netflix”in bu məzmunlar üçün xərclədiyi büdcə milyardlarla dollara çatsa da, ölkə-ölkə əsasında həyata keçirdiyi uyğun qiymət siyasəti ilə hər kəsin bu məzmunlara asanlıqla daxil olmasını təmin edə bildi.

Bir ölkə üçün xüsusi olaraq çəkilən və yerli sayılan sənədli serial və filmləri məhdudlaşdırmadan “bütün ölkələrdən izlənilə bilən siyasət” həyata keçirən “Netflix”, bu mövzuda abunəçilərinə geniş məzmun təqdim edib.

Bütün məzmunun yayımlandığı ölkələrin dilinə uyğunlaşdırılması, altyazı və səs dəstəyinin göstərilməsi qlobal miqyasda “Netflix”ə böyük töhfə verib.

İstənilən platformaya ödənişli abunəliyə başlamaq çox asan olsa da, eyni abunəni ləğv etmək insanlar üçün olduqca çətin ola bilər. “Netflix”, digər tərəfdən, asan bir abunə başlatma prosesi təklif edir və abunəliklərin ləğvində heç bir çətinlik və ya çaşqınlıq yaratmır. Bu, insanlara “azadlıq” hissi verir.

Nuray