1. Henri Fordun ən böyük arzusu "motorlu fayton" qurmaq və bazara çıxarmaq idi.

1885-ci ildə gənc mühəndis Henri Ford "Edison" şirkətində işləyərkən “motorlu vaqon” istehsal etmək arzusunda idi. 11 ildən sonra o, "Quadricycle" adlandırdığı bu avtomobili işə salmağı bacardı. Böyük bir sərmayə alan Ford, istehsal mərhələsində prototipi istehsal edərkən olduğu qədər vasvası hərəkət edə bilmədi və səhv etdi. Bir ildən az müddətdə şirkət zərər etdi və investorların təzyiqi ilə bağlandı.

Lakin Ford buna tab gətirmədi. Əvvəlki şirkətinə sərmayə qoyan insanların bəzilərini yenidən inandırmağı bacaran Ford, səhvlərindən nəticə çıxarıb və müvəffəqiyyət qazanacağına əmin olduğu bir şirkət qurmaq istəyirdi. Şirkəti "Henry Ford Company" adlandırdı. Bu şirkət də bir il yarımdan sonra idarəetmə böhranları səbəbindən dağıldı. Fordun üçüncü dəfə eyni arzusunu reallaşdırmaq üçün yola çıxması uğur gətirdi. İş adamı Alexander Malcomsonun etimadını qazanan Ford, sərmayə ilə 'Ford' adlı avtomobil şirkətini qurdu.

2. Bill Qeyts məktəb yoldaşı Paul Allen ilə birlikdə "Traf-O-Data" adlı bir şirkət qurdu.

Qeyts və Allen çox çətinliklə hesablanma və nəzarət sistemləri üçün proqram təminatı istehsal edən bu şirkəti qurdular. Dost çevrələri ilə birlikdə şirkətin loqosunu hazırlayıb, satacaqları maşınlar üzərində tək-tək işləyib, xeyli sərmayə qoydular. “Traf-O-Data” gözlənilənləri çatdıra bilmədi, lakin daha böyük bir şirkət üçün yol açdı.

Qeyts və Allen “Traf-O-Data”nı Seattledan bir investora təqdim etmək istədikdə maşın işləmədi. Onların bir neçə böyük və kiçik problemləri var idi, gözlədiklərindən çox az pul qazandılar, lakin burada tapdıqları harmoniya və həm iş həyatı, həm də proqram təminatı haqqında öyrəndikləri sayəsində “Microsoft”u qurdular. Bu gün hər ikisi “Traf-O-Data” qurmasaydılar, “Microsoft”un mövcud olmayacağını və o günlərdə öyrəndikləri sayəsində dünyanın ən böyük şirkətlərindən birini qurduqlarını deyirlər.

3. Kevin Systrom “Google”da mühəndis kimi işləyərkən parlaq bir fikir əldə etdi.

Systrom, "Burbn" adlı tətbiqi ilə "check-in" tətbiqlərini geridə qoymağı planlaşdırırdı. Systrom tərəfindən qurulan tətbiqdə, çəkilən fotoşəkilləri daha gözəl edən filtrlərdən istifadə edilə, dostlarla getdiyi yerlərdən xallar toplana, gedəcək yerlər planlana bildi. Bununla belə, həddən artıq fərqli xüsusiyyətlərə və çaşdırıcı interfeysə malik olması tətbiqin gözlənilənləri çatdıra bilməməsinə səbəb olub.

Systrom, “Burbn” tətbiqinin bir xüsusiyyətinə diqqət yetirmək qərarına gəldi. Tətbiqin ən çox istifadə edilən xüsusiyyəti olan foto paylaşmağa diqqət yetirən Systrom, 2010-cu ildə dostu Mark Krieger ilə birlikdə “Instagram”ı qurdu və sonradan dünyanın ən böyük sosial şəbəkə tətbiqlərindən biri oldu.

4.1988-ci ildə Çində universiteti bitirən Cek Ma iş tapmaqda çətinlik çəkib.

Ma iş tapmaq üçün 30 fərqli şirkətə müraciət etdi və hər biri tərəfindən rədd edildi. O “KFC”nin yerli filialına müraciəti də, onun təbirincə, “qeyri-kafi” olduğu üçün rədd edilib. Müraciət edən 24 nəfərdən 23-ü işə qəbul edilib. Qəbul edilməyən yeganə şəxs o olub. Bu dövrdə Ma internetin üstünlükləri ilə tanış oldu və ilk şirkəti olan "Hangzhou Haibo"nu qurdu. Digər tərəfdən Çini digər ölkələrə (xüsusən də ABŞ-a) tanıtmaq məqsədi ilə ölkəsini təsvir edən internet saytının hazırlanmasına başladı. 1995-ci ildə "Chinapages.com" saytını qurur və çinli iş adamlarından investisiya almağı bacardı.

Ma Çin şirkətlərinin ABŞ bazarına genişlənməsinə kömək edə biləcək vebsaytlar yaratmağa başladı.

Ömründə bircə sətir kod yazmayan və ilk kompüterini 33 yaşında alan Ma, təkbaşına 1999-cu ildə “Alibaba”nı qurdu.

Nuray