"Everton"un Premyer Liqa tərəfindən elan edilən mənfəət və davamlılıq qaydalarının pozulmasına görə 10 xalı silindi .

Valyuta.az xəbər verir ki, cəza dərhal qüvvəyə mindi və komanda 19-cu pilləyə düşdü. Bununla da Liverpul təmsilçisi Premyer Liqada xalı silinən üçüncü komanda olub. Buna qədər 1996/97 mövsümündə "Midlsbro" dan üç, 2010-cu ildə "Portsmut" dan 9 xal silinib. "Everton"un heyətinin hazırda bazar dəyəri 350,7 milyon avrodur. 

Bəs klub niyə və nə qədər zərər çəkib? Bu, liqanın 2021-22 mövsümü üçün bütün yüksək səviyyəli klubların maliyyə qeydlərini nəzərdən keçirdikdən sonra martda "Everton"u müstəqil komissiyaya göndərdikdən sonra baş verir. Qaydalara görə, klublar üç il ərzində 105 milyon funt-sterlinqə qədər itki və ya potensial olaraq cəzalarla üzləşə bilər. Lakin "Everton" müvafiq müddət ərzində 124,5 milyon funt-sterlinq itki ilə üzləşdiyini bildirib.

Premyer Liqa rəhbərliyinin açıqlamasına görə, adətən, klubun hesabatı onun üç il ərzində, vergidən əvvəlki düzəliş edilmiş qazancının məcmusudur. COVID-19 zamanı edilən düzəlişlərdən sonra 2019/20 və 2020/21 mövsümləri üçün müvafiq rəqəmlər orta hesabla götürülüb. Hazırkı halda, müvafiq dövrə 2021/2022, 2020/21, 2019/20 və 2018/19 mövsümü üçün vergidən əvvəlki orta düzəliş edilmiş mənfəət daxildir.

“Mançester Siti” 2009-2018-ci illər arasında 100-dən çox qayda pozuntusu ilə Premyer Liqa tərəfindən ittiham olunan yeganə klubdur və bu iş hələ də davam edir.

"Everton" isə açıqlamasında komissiyanın tamamilə qeyri-mütənasib və ədalətsiz idman cəzası tətbiq etdiyini bildirib. Klub artıq qərardan Premyer Liqaya şikayət etmək niyyətində olduğunu da açıqlayıb. 

2018/19 və 2021/22 mövsümləri arasında (sözügedən dörd mövsüm), yalnız oyunçu transferlərinə gəldikdə, Everton yeni futbolçulara 334,67 milyon avro xərclədi. Bununla yanaşı 167,8 milyon avro zərər gördü. Həmin dövrdə onların ən bahalı transferləri Riçarlison (39.2 milyon avro) Yerri Mina (30.25 milyon avro) və Aleks İvobi (30.4 milyon avro) olub. Klub qiyməti 20 milyon avrodan yuxarı olan ən azı 11 oyunçu alıb. "Everton" bu müddət ərzində oyunçuların satışından 166,8 milyon avro qazanıb.

Sözügedən müddət ərzində “Mançester Yunayted” 18/19 və 21/22 mövsümləri arasında 382,97 milyon avro itki ilə siyahıya başçılıq edir. Bununla belə, 2014/15 və 2020/21 mövsümləri arasında liverpullular cəmi 351,78 milyon avro dəyərində itkiyə görə dördüncü olub. 

Mövcud son 15 xaldan 10-nun alınmasına baxmayaraq, Premyer Liqa cədvəli "Everton" üçün çox qaranlıq görünür. "Everton" heç vaxt 12 oyundan sonra bu qədər az xal qazanmayıb. Bununla yanaşı heç bir komanda bu məbləğlə  Premyer Liqada "sağ" qala bilməyib. Nəticə etibarı ilə Sin Dayçenin komandası hazırda Premyer Liqa tarixində bir mövsümə ən pis şəkildə start verənlərin arasındadır. 

Premyer Liqada "Everton"dan əvvəl yalnız iki klub xal itirdi və onların hər ikisi aşağı liqaya düşdü. Portsmut 2009/10 mövsümünü doqquz xal toplayaraq 20-ci yerdə tamamladı. "Midlsbro" da 1997-ci ildə ikinci diviziona göndərilmişdi.

Elmir