Marko Verrattidən sonra PSJ-nin daha bir futbolçusu Qətərə yollanır.

Valyuta.az xəbər verir ki, Yulian Draksler də ərəb təmsilçisi ilə anlaşıb. Futbolçu "Al-Ahli" ilə razılığa gəlib. "SkySport"un məlumatına görə, alman futbolçu "Al-Ahli"nin təklifini qəbul edib və sənədləri imzalamaq üçün həftəsonu Dohaya gedəcək. Drakslerin yeni klubu ilə ikiillik müqavilə imzalayacağı gözlənilir. 

Hazırda bazar dəyəri cəmi altı milyon avro olan cinah oyunçusu üçün PSJ-nin 20 milyon avro qazanacağı gözlənilir. Draksler yeni klubu ilə anlaşacağı təqdirdə karyerası ərzində 100 milyon avrodan çox qazanan üçüncü alman futbolçu olacaq. 

Almaniya millisinin heyətində DÇ-2014-ün qalibi olan futbolçu üçün bu karyerasının son müqaviləsi ola bilər. 29 yaşlı futbolçu "Kristel Pelas"dan təklif alsa da razılaşma əldə olunmayıb. Ötən il "Benfika"da icarə əsasında oynayan futbolçu zədələr səbəbindən çox şans qazana bilmədiyindən bazar dəyəri cəmi altı milyon avroya düşmüşdü. 

Yaranmış vəziyyətdən istifadə edən PSJ-nin yeni oyunçulara 350 milyon avro xərclədikdən sonra, Drakslerin transferindən sonra 2023/2024 mövsümündəki ümumi gəlirlərinin 214 milyon avroya qədər artacağı gözlənilir. Draksler transferi tamamlandıqdan sonra PSJ ərəb klublarından ümumilikdə 178 milyon avro qazanmış olacaq. Fransızlar Drakslerdən başqa, Verratti və Abdou Diallonu Qətərə satmaqla 80, Neymarla Corcinio Viynaldumu isə Səudiyyə Ərəbistanı Pro Liqasına göndərməklə 98 milyon avro qazanıb. Bu da klubun Maliyyə Feyr-Pleyi ilə bağlı mövqelərini əhəmiyyətli dərəcədə yaxşılaşdırmış olur.

Elmir