05 yanvar 2024-cü il tarixində “Cəlilabad Broyler” Açıq Səhmdar Cəmiyyəti səhmdarlarının növbədənkənar ümumi yığıncağı keçiriləcək.

Valyuta.az xəbər verir ki, yığıncağın gündəliyinə aşağıdakı məsələlər daxildir:

1. “Cəlilabad Broyler” ASC-nin Müşahidə Şurasının formalaşdırılması, sədr və üzvlərinin təyin edilməsi.

2. “Azerbaijan Poultry Company” MMC və “Cəlilabad Broyler” ASC arasında bağlanacaq 10 milyon manat məbləğində borc müqaviləsinin təsdiq olunması.

3. “Azerbaijan Poultry Company” MMC ilə bağlanacaq yetişdirmə sahələrinin, yem zavodunun və avtonəqliyyat vasitələrinin icarəsi müqaviləsinin təsdiq olunması.

4. “Cəlilabad Broyler” ASC-nin hüquqi ünvanının dəyişdirilməsi ilə bağlı qərarın qəbul edilməsi.

Səhmdarların şəxsiyyətlərini təsdiq edən sənəd vacibdir. S

Yığıncaq Bakı şəhəri, Nizami rayonu, Əli Vəliyev 1 ünvanında keçiriləcək.

 “Azerbaijan Poultry Company” MMC şirkəti "Mərcan" məhsullarının istehsalçısıdır.

1997-ci ildə dövlət qeydiyyatına alınmış “Cəlilabad Broyler” ASC-nin hüquqi ünvanı Cəlilabad şəhəri, 20 Yanvar küç, 1-dir.  849 min 238 manat nizamnamə kapitalına malik olan şirkətin sədri Gülmuradov Elvin Elnur oğludur.

2012-ciildə dövlət qeydiyyatına alınmış “Azerbaijan Poultry Company” MMC-nin hüquqi ünvanı Ucar rayonu, Alpout kəndidir. 64 milyon 995 min 200 manat nizamnamə kapitalına malik olan şirkətin direktoru Hacıyev Pərviz Yaqub oğludur.

© Marja