Çinin ən iri elektrikli avtomobil istehsalçılarından biri, bu sahədə qlobal lider Teslanın ölkədəki bir nömrəli rəqibi BYD satış həcmini sürətlə genişləndirir.

BYD avqust ayında 61 409 ədəd elektromobil satıb.Bu isə ötən ilin müvafiq dövründən 4 dəfə çoxdur.

İyul ayında 50 min ədəddən çox elektrikli avtomobil satan BYD bu göstərici ilə digər yerli şirkətləri - Nio, Li Auto və  XPeng-i kifayət qədər üstələyib. Qeyd olunan şirkətlərin hər biri avqust ayında 10 min ədəddən az avtomobil təchiz edib.

Davam edən pandemiyanın fəsadlarına və vacib element olan yarımkeçirici çiplərin təchizatındakı ləngimələrə baxmayaraq, Çində elektrikli avtomobil bazarı dövlətin bu sahəyə dəstəyi nəticəsində sürətlə böyüyür. 

Reuters-in məlumatına görə, yanvar-avqust ayının ilkin nəticələri ölkədə 1,7 milyon ədəddən çox elektromobilin satıldığını göstərir. 

Mənbə: Marja