Kriptovalyuta sahəsində mühüm rolu olan Bitkoin qiymətləri 56,500 dolları ötüb keçdi.

Valyuta.Az xəbər verir ki, Bitcoin qiymətlərindəki artımın əsas səbəbi ABŞ-dakı investisiya bankı “Goldman Sachs”-ın kriptovalyuta ticarət xidmətlərini yenidən başlatmağa qərar verməsi olub. 

Bankın nümayəndəsi Matt McDermott Goldman sərmayəçilərinin 40%-nin kriptovalyuta ilə bu və ya digər formada əlaqəsi olduğunu söyləyib. 

Bank rəsmisi pandemiyanın onlayn alış-verişi əhəmiyyətli dərəcədə sürətləndirdiyini və bunun kriptovalyuta ödəmələrində böyük bir artıma səbəb olacağına da diqqət çəkib.

Qeyd edək ki, son 24 saat müddətində Bitkoin qiymətlərində artımın müşahidə olunması onun ümumi bazar həcminin 1,0 trilyon 57,5 milyard dollara yüksəlməsinə səbəb olub.

Kamran Xəlilov
Valyuta.az