"Bitcoin"in qısa müddətdə 100 min dolları aşması gözlənildiyi halda, "Bitfinex" analitikləri son hesabatlarında bildirib ki, "Bitcoin" qısa müddətli korreksiya ilə üzləşib, lakin 100 min dollarlıq səviyyəyə çatmağa hazırdır.  

Valyuta.Az xəbər verir ki, analitiklər həftəlik "Alpha" hesabatında qeyd edib ki, "Bitcoin" ötən həftə 8,64%-lik geriləməyə baxmayaraq özünü toparlayıb və dekabr ayına doğru yüksəliş dinamikasını davam etdirir.  

Onlar bu qısa müddətli korreksiyanın keçən həftə "spot ETF"lərin 135,1 milyon dollar dəyərində vəsait çıxarışları və sentyabr ayından bu yana 508.990 "BTC" satan uzunmüddətli investorların qazanc satışları ilə əlaqəli olduğunu vurğulayıb.  

"Bitcoin"dəki artımın qısa müddətli investorların fəallığından asılı olduğunu qeyd edən analitiklər bildirib: “Qısa müddətli investor tələbi uzunmüddətli investorların satışlarını qarşılayarsa, BTC 100.000 dollar səddini aşa bilər.”  

Rəhim