"XRP", ABŞ-da Qiymətli Kağızlar və Birjalar Komissiyası (SEC) ilə yaşadığı hüquqi mübahisələrin təsiri ilə bir müddət 0,1037 dollara qədər enmişdi. 

Lakin SEC ilə mübarizədə qazandığı uğurlar və Donald Trampın (Donald Trump) prezident seçilməsi ilə dəyəri sürətlə artmağa başladı.

Valyuta.az xəbər verir ki, son 24 saat ərzində "XRP"-nin qiyməti 27,9 faiz artaraq 2,42 dollara çatıb. Bununla yanaşı, bazar dəyəri 138 milyard dollara yüksəlib.

"CoinGecko"nun məlumatına əsasən, "XRP" bu bazar dəyəri ilə "Tether" və "Solana"nı geridə qoyaraq "Bitcoin" və "Ethereum"-dan sonra üçüncü ən böyük kriptovalyuta statusunu qazanıb.

Hazırda "Tether"-in bazar dəyəri 134 milyard dollar, "Solana"nın isə 108,44 milyard dollardır.

Açar sözlər: XRP, Tether, Solana, kriptovalyuta xəbərləri, Bitcoin, Ethereum, CoinGecko, Donald Tramp, SEC.