Dünyanın ən böyük proqram təminatı şirkəti olaraq tanınan "Microsoft", 10 dekabrda keçiriləcək səhmdarlar toplantısında  şirkətin "Bitcoin" alıb-almamasını səsverməyə çıxaracaq. 

Valyuta.Az-ın verdiyi xəbərə görə, bu qərar ABŞ Qiymətli Kağızlar və Birjalar Komissiyasına (SEC) rəsmi olaraq bildirilib. Bildirişdə həmçinin İdarə Heyəti bu təklifin rədd edilməsini tövsiyə edib.

"Microsoft"-a bu təklifin ictimai siyasət araşdırma təşkilatı olan "The National Center for Public Policy Research" tərəfindən edildiyi qeyd olunur. Konservativ baxışları ilə tanınan bu təşkilatın, "Project 2025" adlı siyasi gündəmi çərçivəsində təklifi irəli sürdüyü bildirilir. "Project 2025" proqramı, seçkilərdən sonra sərbəst bazar iqtisadiyyatı, kiçik hökumət təsiri və aşağı vergilər kimi islahatların həyata keçirilməsini hədəfləyir. "Bitcoin"-in mərkəzləşdirilməmiş strukturu bu cür düşüncə mərkəzlərinin marağını cəlb edir.

İdarə heyəti rədd təklif etdi: “Lazımsızdır”

Səsvermə SEC-yə rəsmi olaraq bildirilib. Bildirişdə həmçinin İdarə Heyətinin rədd səsverməsini tövsiyə etdiyi və bunun "lazımsız" olduğu vurğulanıb. Açıqlamada aşağıdakı ifadələr yer alıb:

""Microsoft"-un Qlobal Xəzinə və İnvestisiya Xidmətləri komandası, sərmayə qoyula biləcək aktivləri geniş şəkildə araşdırır. İnflyasiyadan qorunma və portfelin şaxələndirilməsi üçün potensial təmin edəcək aktivlər də bu araşdırmalara daxildir. Əvvəlki araşdırmalarda "Bitcoin" və digər kriptovalyutalar da nəzərdən keçirilib. Gələcəkdə bu cür qərarlar üçün "Microsoft", trendləri və kriptovalyutalarla bağlı inkişafları izləməyə davam edəcək.”

Ən böyük şirkət olacaq

3 trilyon dollardan çox bazar dəyəri ilə ABŞ-ın 3-cü ən böyük şirkəti olan "Microsoft", "Bitcoin" alımı edərsə, bu sahədə Tesla və MicroStrategy-ni geridə qoyacaq. Şirkət beləliklə, “"Bitcoin" alan ən böyük şirkət” ünvanına sahib olacaq.

Xəbərin dünən axşam saatlarında yayımlanmasının ardından "Bitcoin"-in qiyməti 68,500 dollara qədər yüksəldi, lakin gecə saatlarında yenidən 68,000 dolların altına düşdü.

Aydın