Aparıcı kriptovalyuta “Bitcoin” bir neçə gün ərzində 70 000 dollara yaxınlaşsa da, altkoinlər gözlənilən performansı göstərə bilmir. Görünən odur ki, altkoinlər bir müddət gözlənilən yüksəlişə başlaya bilməyəcək.

Valyuta.az-ın məlumatına görə, kriptovalyuta xidmət təminatçısı “Matrixport” altkoinlərin ralli mövsümünün “Bitcoin”in 58% üstünlük təşkil etməsi səbəbindən təxirə salındığını deyib.

“Matrixport” analitikləri 20 mindən çox kriptovalyutanın mövcudluğuna baxmayaraq, bazar və investor marağının “Bitcoin”ə diqqət yetirməyə davam etdiyini bildirdi: “Spot Bitcoin ETF- lərinə əhəmiyyətli kapital axını olsa da , onların altkoinlərə təsiri minimal olaraq qalıb, yəni pərakəndə investorlar hələ geniş miqyasda bazara daxil olmayıblar. Pərakəndə investorlar bazara gəlmədiyi üçün altkoin ralli mövsümü başlamadı”.

İnvestorlar altkoin mövsümünün başlanmasını səbirsizliklə gözləsələr də, “Matrixport” analitikləri “Bitcoin” əməliyyatlarının həcmində əhəmiyyətli artım müşahidə olunsa da, onun dominantlığının daha da artma potensialına malik olduğunu bildirdi.

Əvəz Həsənov